Cabonorteblog

Así foi a nosa viaxe aos Alpes en caravana. A ruta e gastos: www.cabonorteblog.com/2025/12/08/v...

Entre a Praia e a Mata Nacional do Camarido (Caminha), están as ruínas da Casa do Cabo Submarino (do antigo telégrafo). O estado deste lugar histórico é moi abandonado.

Graffiti de Variaçoes en Caminha.

Vila Praia de Âncora de Moledo. Fermosa costa entre Viana do Castelo e Caminha, que se pode facer en bici (de montaña) á beira do mar.

Ecovía entre Caminha e Vila Nova da Cerveira.Son 13km da ecovía que percorre a beira portuguesa da desembocadura do Miño, que continúa até Valença.Con esta Ecovía,a Vía Verde a Monção,e o percurso pola costa atlántica,pódese ir en bici desde Viana do Castelo a Monção sempre a beira do mar e do Miño.

Ecopista do Río Minho, de Valença do Minho a Monção. Fermosa vía verde de 16 km, con vistas a viñedos e as beiras do Río Miño.

Xa de volta despois de case 9000 km en coche e 345 km en bici, nunha viaxe desde Compostela a Oslo en caravana. En breve, publicarei a toda a ruta da viaxe, así como curiosidades e os gastos.

Orthez e Navarrenx son dúas cidades históricas do antigo principado de Béarn, independente entre os séculos XIV e principios do XVII. Durante o século XVI houbo aquí importantes guerras de relixión, debido á conversión ao calvinismo da súa raíña Juana de Albret.

Brantôme e Saint-Jean-de-Côle, fermosos lugares preto de Perigeaux (Francia). Aquí tamén hai boas rutas de bicicleta, así coma a Cova de Villars, con pinturas rupestres.

En Valençay (Francia), ademais do castelo hai un bo museo do automóbil. Entre grandes xoias da automoción francesa, está esta unidade de Citroën M35, co motor de ciclo wankel (sen pistóns). No logo de Citroën pódese ver tamén a figura do rotor wankel.

O Castelo de Valençay ten unha gran importancia na historia do estado francés e español. No primeiro, por ser a residencia do relevante político da Revolución Talleyrand. No segundo, por ser aquí onde estiveron Fernando VII e familia durante a Guerra de Independencia.

Cruzando Francia. (Varzy, Borgoña).

Ruta de 25km ao redor do Lac d'Orient, un dos grandes lagos do interior de Francia.

Antiga rotonda ferroviaria de Bénestroff. Impresionantes ruínas dunha rotonda ferroviaria e talleres no nordeste de Francia. Un imprescindible para os amantes dos sitios abandonados.

E así como os franceses tiñan a Liña Maginot, os alemáns tiñan a Liña Sigfrido, moito menos desenvolvida que a dos seus veciños. Ao contrario que na parte francesa, na beira alemá pouco fica desta liña. Na zona de Saarbrücken, só encontrei esta barreira antitanques abandonada no medio dun bosque.

En Francia, preto da fronteira con Alemaña, aínda se conservan numerosos restos da Liña Maginot. Algúns, como o de Simserhof, cun estado de conservación inmellorable, pódese ver con visita guiada. Outros, como o de Laudrefang, foron restaurados por voluntarios.

Siderurxia de Völklingen. Estes altos fornos situados na cidade alemá de Völklingen, preto da fronteira con Francia, son unha testemuña extraordinaria de patrimonio industrial. En funcionamento desde o século XIX ate o 1986, foi declarada posteriormente Patrimonio da Humanidade.

Ruta polos arredores do Hoherodskopf. Este alto, non moi lonxe de Frankfurt (Alemaña), está rodeado de bosques mixtos de coníferas e frondosas, xeralmente piceas e faias. Tamén hai outras especies típicas destas latitudes e altitude, como pino silvestre e o capudre.

Eu Wolfsburgo a Volkswagen está presente en todas partes. Mesmo nas salchichas do supermercado. Por certo, estaban boas.

Puttgarden, onde chegamos no ferry desde Dinamarca, está na illa de Fehmarn, xa en Alemaña. Esta illa é un destino moi habitual para os turistas alemáns, con moitos campings cheos nos meses de verán. No sur da illa visitamos este submarino alemán U-boot U11.

Desde o Sur de Suecia voltamos ao Norte de Alemaña. É un traxecto bastante caro, xa que hai que pagar a peaxe da Ponte do Oresund (case 8 km de ponte entre Malmö e Copenhague), e o ferry entre Rødby (Dinamarca) e Puttgarden (Alemaña).

Debido á pouca densidade de poboación de Suecia, soe haber moito espazo. Así por exemplo, sempre hai espazo para ir á compra mesmo coa caravana enganchada. A gran sorpresa foi o prezo do combustible, sen dúbida o país máis barato de toda a viaxe, uns 1.4€ litro de media.

En Suecia, moitas estradas secundarias non están asfaltadas, aínda que están en bo estado.

Para a reciclaxe en Suecia e Noruega case hai que facer un curso. Pódese encontrar ate 9 contedores diferentes.

E como dirán en sueco "uns pican e outros non"?

Outra ruta pola Taiga de Suecia, desta vez preto da localidade de Knäred. Piceas, pinos silvestre, sotobosques de arandeira e moitos lagos.

Este DC 3, cun estado de conservación excelente, utilizouse durante a Segunda Guerra Mundial en distintas operacións, coma no Desembarco de Normandía. Está en Karlsborg (Suecia), unha bonita cidade a carón do Lago Vättern.

Aínda que Noruega é un país carísimo, viaxar en caravana fai que sexa bastante asumible. A modo de exemplo, o camping saíunos a uns 45 € a noite.

Tamén hai Estrella Galicia en Noruega. O botellín de 0.25 costa uns 4€.

O Fiordo de Oslo nos arredores de Horten (Noruega).

O KNM Utstein é un submarino en servizo durante a Guerra Fría. Está no Museo Marítimo de Horten (Noruega), e pódese visitar tamén o seu interior.

Ruta en bici pola beira do Tyrifjorden (Noruega).

Illa de Utøya (Tyrifjorden, Noruega). Esta illa é coñecida polos atentados de Noruega do 2011 onde,tras unha bomba en Oslo, o asesino (vinculado coa extrema dereita) accedeu a esta illa e matou a un total de 69 persoas.Hoxe hai un memorial no porto de acceso á illa co nome de cada un dos asesinados.

Ruta ao Kongens Utsikt "Miradoiro do Rei" (Krokkleiva, Noruega), con impresionantes vistas ao fiordo Tyrifjorden.

Oslo, a capital de Noruega, é unha cidade moderna con moitos museos interesantes. Finalmente, escollimos para visitar o Museo Nacional e o Fram.

Camiño de Oslo.